هلَّـت علينـا بطلعتكـم تباشيـر لـنـوار
يا خادم البيـت شعبـك بايعـك بإفتخـاره
(عبد الله)الجِيد (بو متعب)عزيمة وإصرار
ونِعْم به فارس العربـان ، فيـه الجَـداره
يا اللي تحمَّل هموم الناس في كل مشـوار
والمسلمين الضعاف اليوم رهـن انتظـاره
يا من على العهد ساير ما تزحزح ولا احتار
لأنه على مبدءٍ ثابـت ، وراسـخ جـداره
أعلن ، وأقسم على القرآن دستور لبـرار
أنّـه مقيـد بأحكامـه ورافــع شـعـاره
والله يـوم أن حلـف بالله يعـدل بمعيـار
بين الرعيـه ويحميهـم ، بقلبـي حـراره
حرارة الشوق ، في لقياه رِفعـه ومقـدار
خليفة المسلمين (الشهـم) قدنـي بـ(داره)
وقلت : يهنا لهذا الشعب يفـرح ويختـار
من يخدم الدين والإنسان أصـل الحضـاره
هذا(ملكنا المفدى) فـي البطـولات مغـوار
وكـل مسلـم يشوفـه مكسبـه والتجـاره
وسيف (أبو متعب)العادل على الخصم بتَّار
واللي معه في طريق الخير يكـرم جِـواره
الله يعزه ، وخلفه شعب ميمـون لا سـار
وافـي وطايـع لأمـره لا تلقَّـى إشـاره
(عبد الله) الفخر يا رمز العروبه ولحـرار
والعز دربه وفي الأمجـاد شاهـد غبـاره
قود المسيره حماك الله مـن كـل لشـرار
يسعد بكم عهدكـم تجنـي الرعيـه ثمـاره
(سلطاننا) ياولي العهـد يـا نمـر لنمـار
يهناك فالشعـب أيدكـم بمحـض اختيـاره
(بو خالد) أهل الكرم لاجاد سالـت بأنهـار
وصانع الفضل والمعـروف يبقـى منـاره
يشوف دنيا حقيـره ذابلـه مثـل لزهـار
وأن العطاء في طريق الخير ماهو خسـاره
ياعيال(عبد العزيز)اللي على الخيـل قـدّار
أسس حكومه ودولـه بارعـه فـي الإداره
أنتم قياده حكيمـه فـي المعانـي ولفكـار
والمجد فيكم مُخلَّد ، شـاف فيكـم قـراره
هذي من اهل اليمن الأهل والربع والجـار
والكل فيكـم مؤمـل خيـر فيـه البشـاره
والختم صلوا على المختار باعداد لشجـار
الله كتب له شفاعة يـوم يُكشـف ستـاره
